أبويـــــــــــــــــــــــــــــــــا // بقلم وهيبة سكر

ياللي كنت السبب في وجودي
صحيح خلفتني بالحب
لكن عذبتني أنا وأمي
سبتنا وسافرت
مانعرف لك مكان
ياما بكيت بالدمع
كان نفسي اعرف شكلك
ونفسي تاخدني في حضنك
ياما ناديت عليك
تيجي مرة
تشوفني
زي كل البنات والولاد
كبرت وانت بعيد
وقلبي كان موجوع
ولساته موجوع
حضنك كان هايبقى شفايا
وحمايا
ياما كنت ابص في عيون البنات
فرحانين
وايد الاب ماسكاهم وحضناهم
وانا بكايا كان جوايا
وكتير يا ما بصيت
في عيون كل اب
ااقول ياريت ده يكون ابويا
اللي ماعرفتوش
وكتير رسمت لك صورة من خيالي
وكتير تخيلتك بطل من الابطال
وكتير انتظرت يوم اشوفك
وتحضني
ولما جيت وحضرت وبصيت
في عيونك
ضاع الامل
وقلت ياريتك مارجعت
وياريتني ماعرفتك
عيون قاسية
مافيها حب
ونسيت يابويا تحضني
ياريتك مارجعت
وتبدلت الصورة جوايا
وانتهي الامل
وبأيت كده طول العمر حزينة
من غير أب
بقلم وهيبة سكر