رسالتي إلى حبيبي المجهول ..... // بقلم وهيبة سكر

والله بحبك
ومش عارفة أقولها
ولا أأقدر أقولها
ولا حتى ليك
أأقولها 
خايفة أأقول
خايفة منك
لأني عارفة
أو مش عارفة
حاتقول إيه
لكني عارفة وحاسة
إنك عارف وحاسس
إني بحبك
أوي
وعارفة ان جواك
طفل
وانك بتبكي كتير كتير
وفي عيونك
حزن وأسى
وألم كبير
على اللي راحوا
واللي غابوا
كنت مش داري
ولا عارف
أد إيه غاليين
لما راحوا عرفت انت
أد ايه كانوا
وأد إيه الحب كان
بحبك لألمك
وحزنك
ولسهدك
وللفن الجميل
وللشعر الجميل
بحبك
لانك إنسان كبير
وأصيل
بحبك ومش عاوزة
أي حاجة منك
ولا حتى تعرف
لكن
ما أقدرش أخبي
كل حبي
ولا أأقدر أأقول
أنت مين
لو قلت انت مين
معرفش ممكن
يحصل إيه
ممكن تكون ثورة
او سيوف
أو سكاكين
والاقي نون النسوة
حواليا
علشان كده
هافضل احبك
وانا ساكتة
ومش قادرة ااقول
لكني عارفة
والله عارفة
ومتاكدة
إنك عارف
إني بحبك اووي
أوووي

ومش ممكن هاقول

العاشقة لك

// وهيبة سكر //