بتدبحي لكن تعرف تداويني // بقلم وهيبة سكر

بتدبحني لكن تعرف 

من جرحي

 تداويني

بأنزف ساعات منك 

تمد ايدك بلسم يشفيني

انت مين ياللي في ايدك جرحي وداويا

وداءي وشفايا

النظرة منك ترويني 

والكلمة منك سلسبيل
وانت ياللي الزمان رماني
في جنونك

ولقيت فيه معاك آية ورا آية
منك انت هنايا
وساعات بكايا
ساعات تدللني

وساعات ...... وساعات !!!!
ماهي الحياة هي كده مابين كده وكده 

وكله حلو منك

ومادمت انت في نبضي ونفَسي موجود

وبتوفي دايما بالعهود

ياسندي واكتمال بدري 

وضوء شمسي انت ودفايا

مش مهم ساعات تجرحني

بس اكيد اكيد هاتيجي تداويني

بنظرة منك سعدي وهنايا

تهديني وترويني وتمسح دمعتي

وترويني وترضيني وتشبعني  

ياكل اهلي ووطني ودنيايا 

// بقلم وهيبة سكر //