انا لما بصيت في عيون ام الشهيد
*****
قلبي أنخلع
*****
قلبي أنخلع
جسمي ارتعد
ارتجف
من الصلابة
اللي طلة من عيونها
مليون رصاصة ورصاصة طلة
مستنية الاشارة
بس الاشارة
ما الخوف اللي جوه القلب على الضنا راح
لما قلب الروح راح
واتبدل القلب الحزين
النظرة دي اللي طلة من عيونها
هاتجيب حق الشهيد ومليون شهيد
من نني عين قلب اللي قتل
وقطع من لحمها حتة
وبني مكان الحتة دي جبل
ماهي بأت وتد
ماتهزه ريح
وياللي واهم
لما قتلت الشهيد
هاترّكع أم الشهيد
وتذل قلب أم الشهيد
دي نظرة عيونها تهد الف منك
وياللي بتداري رعبك
في
الرصاصة
اذا كانت فاهم انك
تقدر
تخضعنا وترّكعنا
بعد ما ايد غدرك قتلت منا الوليد
والكبد والحشا والروح
تبقي مسكين وغفلان
عن كل الرواية والحكاية
لو بصيت في قلب الأم ده
تموت
دي قوة قلبها
ونظرة عيونها
أقوي منك
دب الأم دي هي الوطن
والحضن اللي
محوط
على كل الضنا
اللي راحو
وغطي دمهم
ارض الوطن
وفي كل نقطة دم صرخة
تنادي
وتصرخ في العلالي
دمي مش هايروح هدر
يا اللي فاكر
ومداري
ورا الأسلاك
انك هاتقدر
تسرق الأعمار
وتنفد بجلدك
تبقي ياعيني عليك
واهم
تعالى بص بصة في عيون
أم الشهيد
لوقدرت تكمل البصة
في ثانية تموت في الحال
وأنت يا أم الشهيد
أنت الوطن والحضن والأم والملاذ
أنت أملنا الكبير
وهانكمل الطريق هانكمل الطريق
هانكمل المشوار
ومصر بدأت المشوار وقامت
راجعة تاني تنور في
العلالي
اياك يا ام تبكي تاني
دا انت نني عين
كل مصري
وهاناخد
حقنا من اللي غدر وقتل
لك كل الورود
يا امنا
// بقلم وهيبة سكر //
راجعة تاني تنور في
العلالي
اياك يا ام تبكي تاني
دا انت نني عين
كل مصري
وهاناخد
حقنا من اللي غدر وقتل
لك كل الورود
يا امنا
// بقلم وهيبة سكر //
ليست هناك تعليقات:
إرسال تعليق