الأمر المستحيل // بقلم وهيبة سكر

ازاي ياقلبي بتصدق

إنه  كان يبقى ممكن

وأنت عارف ان الأمور المستحيلة

عمرها ما تتصدق

وده كان  حلم جميل وراح

وعند أول شعاع للشمس

ضاع واتبخر

مع حرارة الشمس على الوشوش

صريحة وواضحة

فوق ياقلبي

وارجع لديوانك

وجلبابك

وعنوانك

وكتابك

وخلانك وأحبابك

وماتبقاش كطير بلا جناحين

افتكر نفسه كروان

ولا بشاروش

ولاسمانه

أو عصفور أخضر بيزقزق

وفجأة لقى نفسه

وضاع حلمه

وعلى الارض حاطط

لملم جراحك ياطير واطو عليك جناحاتك

وعود

الى

وطنك وأهلك واحبابك

كان حلم جميل جميل وراح

لكنه في الأول وفي الآخر حلم مستحيل ما يتصدق

// وهيبة سكر//