إييييييييييييييييييييييييه يا دنيا // بقلم وهيبة سكر

ولاحاجة فيك يادنيا
تستاهل
نحزن

الكل ماشي
بيخبط

مش عارف  نفسه
رايح ولا جاي

اللي بيشيش على قهوة
واللي يناقش

في حاجة مش فاهم فيها ولا حاجة
اهو دش كلام

ليل ونهار

كلام في كلام
طمعان صدمان

غلبان

فقران

ولسه طابور العيش

والبوتاجاز

ولسه اللي بيطلعوا العفاريت

والجان

واللي قاعد ع الشات

عجوز لابس وش

في غرامياته

مع البت

والكل بيضحك ع الكل

واللي في داعش وواغش

وسلاح وسلاح

ضرب وتخبيط
وقتل

وصبيان ووالدان
وبنات

والباقي معروف

ياعيني

وبرد وتلج في خيام

من غير دفا ولا غطا

الكل فيها خايف وجعان

ام بتصرخ علي وليدها

وشيطان ماشي بيتمختر

وقلوب مهروسة

وشيطان بيلف الكون
مين عايش

مين مات



وكلام كلام

ولسه فيه ناس بتاكل

تملا الكرش

وتنام كما الحيوان

ولا هي حاسة باللي

جعان

ايييييييييه يا دنيا

على فين واخدة الانسان

نصدق مين ونكذب مين

ماهي خلطبيطة يا جدعان

واللي راكب

واللي ماشي

ولسه فيه ظلم كتير

ودم

وماحدش فاهم جاجة

واجتماعات ولجان

والكل بيتكلم اي كلام

والدنيا سايحة

والفُ

الفجروالعهر

ورا لبيبان

كله مش شايف
ولاحاجة

وخلاص

مابقاش فيكي

يادنيا

الا اللي قافل عليه

الف باب وباب

يناجي ربه

خايف من كل دقة

باب

لايكون وراها رصاصة

ولا شيطان

يا دنيا العجب

كفاية علينا كده

كفاية علينا كده

// بقلم وهيبة سكر //